'ക്ലീന്‍ ഇന്ത്യ'

'ക്ലീന്‍ ഇന്ത്യ' പ്രചാരണം തുടങ്ങി

Posted on: 21 Dec 2011

ന്യൂഡല്‍ഹി: രാജ്യത്തെ വിനോദസഞ്ചാര കേന്ദ്രങ്ങളിലും പരിസരങ്ങളിലും ശുചിത്വം ലക്ഷ്യമിട്ട് കേന്ദ്രസര്‍ക്കാര്‍ 'ക്ലീന്‍ ഇന്ത്യ' പ്രചാരണത്തിന് തുടക്കമിട്ടു. ഡല്‍ഹിയില്‍ നടന്ന ചടങ്ങില്‍ മുന്‍ രാഷ്ട്രപതി എ.പി.ജെ. അബ്ദുല്‍ കലാം പദ്ധതി ഉദ്ഘാടനം ചെയ്തു. വിനോദസഞ്ചാര മേഖലയില്‍ 12-ാം പഞ്ചവത്സര പദ്ധതിക്കാലത്ത് 12 ശതമാനം വളര്‍ച്ചയും പദ്ധതി ലക്ഷ്യമിടുന്നു.

പൊതു-സ്വകാര്യ പങ്കാളിത്തത്തോടെ രാജ്യത്തെ സ്മാരകങ്ങളും ബീച്ചുകളും സ്റ്റേഷനുകളും ബസ്‌സ്റ്റോപ്പുകളും വൃത്തിയായി സൂക്ഷിക്കുകയാണ് പദ്ധതിയുടെ ലക്ഷ്യം. ഇതിന്റെ ഭാഗമായി ശുചിത്വത്തിന്റെ പ്രാധാന്യം സംബന്ധിച്ച സമഗ്രമായ പ്രചാരണം ടൂറിസം മന്ത്രാലയം സംഘടിപ്പിക്കും. അടുത്ത മൂന്ന് മാസങ്ങളിലായി വിവിധ സംസ്ഥാനങ്ങളില്‍ ബോധവത്കരണ പരിപാടികള്‍ നടത്തും. പ്രചാരണപരിപാടികള്‍ക്ക് ശേഷം അടുത്ത ഏപ്രിലിലോടെ 'ക്ലീന്‍ ഇന്ത്യ' പദ്ധതിയുടെ അന്തിമരൂപരേഖ തയ്യാറാക്കും.

വിനോദസഞ്ചാര മേഖലയില്‍ 12 ശതമാനം വളര്‍ച്ച കൈവരിക്കാന്‍ ശുചിത്വം നിലനിര്‍ത്തേണ്ടത് അത്യന്താപേക്ഷിതമാണെന്ന് കേന്ദ്ര ടൂറിസം മന്ത്രി സുബോധ് കാന്ത് സഹായി പറഞ്ഞു. ആഭ്യന്തര-വിദേശ ടൂറിസ്റ്റുകളുടെ വരവ് കുറയാന്‍ ശുചിത്വമില്ലായ്മയാണ് പ്രധാന കാരണം. തിരഞ്ഞെടുക്കപ്പെട്ട വിനോദസഞ്ചാര കേന്ദ്രങ്ങളില്‍ മന്ത്രാലയം ഈയിടെ നടത്തിയ സര്‍വേയില്‍ ഇക്കാര്യം കണ്ടെത്തിയിട്ടുണ്ട്. റെയില്‍വേ മന്ത്രാലയം, ജനപ്രതിനിധികള്‍, സ്വകാര്യസ്ഥാപനങ്ങള്‍, കോര്‍പ്പറേറ്റ് കമ്പനികള്‍ എന്നിവയുടെ സഹകരണത്തോടെയാണ് 'ക്ലീന്‍ ഇന്ത്യ' പദ്ധതി നടപ്പാക്കുക.

നിലവില്‍ 57 ലക്ഷം വിദേശ വിനോദസഞ്ചാരികളാണ് വര്‍ഷംതോറും ഇന്ത്യയിലെത്തുന്നത്. അടുത്ത അഞ്ച് വര്‍ഷത്തിനിടെ ആറ് ദശലക്ഷം വിനോദസഞ്ചാരികളെക്കൂടി ആകര്‍ഷിക്കാന്‍ കേന്ദ്രം ലക്ഷ്യമിടുന്നുണ്ട്.

Optimistic Durban Summit opens extention of Kyoto

DURBAN: An impassioned speech by Environment Minister Jayanthi Natarajan capped the finale of the UN climate summit that ended here early Sunday with a Durban Package, after she warned that India "will never be intimidated by any threat or pressure".

Natarajan's speech ensured that India's main concern - the inclusion of the concept of equity in the fight against climate change - became part of the package.

According to the Durban Package, countries have agreed to work towards a new regime that ensures all countries take legal emissions cuts. The countries also committed to a second term of Kyoto Protocol - the existing regime.

Natarajan ensured there was a third option -- "an agreed outcome with legal force" -- apart from protocol or a legal instrument.

The plenary session of the UN Framework Convention on Climate Change summit came to a halt following row between Natarajan and European Union (EU) Climate Commissioner Connie Hedegaard after objection over agreements reached behind closed doors.

The conference ended a day and a half behind schedule because of intense negotiations over contentious issues.

India had wanted a "legal outcome" as the third option, but Hedegaard said this would put countries' sincerity in doubt.

That set off Natarajan, who roared: "We have shown more flexibility than virtually any other country. But equity is the centrepiece, it cannot be shifted. This is not about India.

"Does fighting climate change mean we have to give up on equity? We have agreed to protocol and legal instrument. What's the problem in having one more option?

"India will never be intimidated by any threat or any kind of pressure. What's this legal instrument? How do I give a blank cheque?, she said.

As Natarajan finished her speech amid a thunderous ovation from a hall packed with thousands of delegates from 194 governments, observers and the media, some countries backed the EU but China strongly supported India.

Xie Zhenhua, the vice minister of the National Development and Reform Commission, pointed out that the developing countries like India and China were "already doing much more than developed countries" against global warming.

Then some countries supported India and China, while others still supported EU.

Conference president and South Africa's Foreign Minister Maite Nkoane Mashabane then halted the session and asked EU and India to go into a huddle there and then.

Unprecedented scenes followed beyond midnight as negotiators from all countries mobbed Natarajan and Hedegaard and snapped photographs, with no sign of exhaustion even at 2 in the morning.

US and Chinese chief negotiators joined the huddle too. More frenzied applause indicated an agreement had finally been reached.

When the session reconvened, Natarajan announced that India had agreed to a change of wording in the third option "in a spirit of flexibility and accommodation". Hedegaard thanked India.

Under the four-pronged Durban Package, rich nations have now agreed to reduce their GHG emissions from 2013 under the Kyoto Protocol, a key demand of developing countries.

The end date of that commitment period has not been fixed, though. Negotiators will now have to choose between 2017 and 2020.

ഡര്‍ബന്‍ ഉച്ചകോടിക്ക് നാടകീയ പരിസമാപ്തി

കാലാവസ്ഥാവ്യതിയാനം: നിയമസാധുതയുള്ള കരാര്‍ വരുന്നു

Posted on: 12 Dec 2011

* ഡര്‍ബന്‍ ഉച്ചകോടിക്ക് നാടകീയ പരിസമാപ്തി
* നിയമപരമായി ബാധ്യതയുള്ള കരാറിന് ഇന്ത്യയും ചൈനയും വഴങ്ങി
* ക്യോട്ടോ ഉടമ്പടി ദീര്‍ഘിപ്പിക്കാന്‍ സമ്പന്ന രാജ്യങ്ങള്‍ സമ്മതിച്ചു
* ദരിദ്രരാജ്യങ്ങള്‍ക്ക് വര്‍ഷംതോറും 10,000 കോടി ഡോളറിന്റെ സഹായം

ഡര്‍ബന്‍: നിശ്ചിതസമയവും പിന്നിട്ടുള്ള മാരത്തണ്‍ ചര്‍ച്ചകള്‍ക്കും നാടകീയമായ അനുരഞ്ജനങ്ങള്‍ക്കുമൊടുവില്‍ അന്താരാഷ്ട്ര കാലാവസ്ഥ ഉച്ചകോടിക്ക് വിജയകരമായ പരിസമാപ്തി. ആഗോളതാപനം നിയന്ത്രിക്കുന്നതിനായി ഹരിതഗൃഹവാതക ബഹിര്‍ഗമനം വെട്ടിക്കുറയ്ക്കുന്നതിന് നിയമപരമായി ബാധ്യതയുള്ള കരാര്‍ തയ്യാറാക്കുന്നതിനുള്ള കര്‍മപരിപാടിക്ക് ഉച്ചകോടി ഒറ്റക്കെട്ടായി രൂപം നല്‍കി.

അടുത്ത വര്‍ഷത്തോടെ കാലാവധി പൂര്‍ത്തിയാവുന്ന ക്യോട്ടോ ഉടമ്പടിക്ക് പകരമായെത്തുന്ന പുതിയ കരാറിന്റെ ഭാഗമാവാന്‍ ഐക്യരാഷ്ട്രസഭയിലെ 194 അംഗരാജ്യങ്ങളും സമ്മതം മൂളിയതോടെയാണ് രണ്ടാഴ്ച പിന്നിട്ട അനിശ്ചിതത്വത്തിന് വിരാമമായത്. ക്യോട്ടോ ഉടമ്പടിയുടെ വ്യവസ്ഥയില്‍നിന്ന് ഒഴിവാക്കപ്പെട്ടിരുന്ന വികസ്വര രാജ്യങ്ങളായ ഇന്ത്യയും ചൈനയും ക്യോട്ടോയില്‍ നിന്ന് വിട്ടുപോയ അമേരിക്കയും പുതിയ കരാറിന് അംഗീകാരം നല്‍കിയെന്നതാണ് ദക്ഷിണാഫ്രിക്കയിലെ ഡര്‍ബനില്‍ നടന്ന ഉച്ചകോടിയുടെ പ്രധാന നേട്ടം.

പുതിയ കരാറിനായുള്ള പ്രവര്‍ത്തന രൂപരേഖ ക്യോട്ടോ ഉടമ്പടിയുടെ കാലാവധി പൂര്‍ത്തിയാവുന്ന 2012-ല്‍ ആരംഭിച്ച് 2015-ല്‍ അവസാനിപ്പിക്കണമെന്നാണ് ഉച്ചകോടിയുടെ തീരുമാനം. 2020-ഓടെ കരാര്‍ പ്രാബല്യത്തില്‍ വരും. നിയമപരമായി ബാധ്യതയുള്ള കരാറിനെ ശക്തമായി എതിര്‍ത്ത ഇന്ത്യയും ചൈനയും അവസാന മണിക്കൂറില്‍ വിട്ടുവീഴ്ച ചെയ്യുകയാണുണ്ടായത്. സമയപരിധി കഴിഞ്ഞും 36 മണിക്കൂര്‍ നീണ്ട ഉച്ചകോടിക്കിടെ, ഇന്ത്യയുടെ പരിസ്ഥിതി മന്ത്രി ജയന്തി നടരാജനും യൂറോപ്യന്‍ യൂണിയന്‍ കാലാവസ്ഥാവിഭാഗം കമ്മീഷണര്‍ കോനി ഹെഡെഗാര്‍ഡും തമ്മില്‍ കടുത്ത വാഗ്വാദം തന്നെയുണ്ടായി. ഉച്ചകോടിയുടെ അന്തസ്സത്തഉള്‍ക്കൊണ്ട് പൊതു തീരുമാനത്തിന് വഴങ്ങുന്നതായി ജയന്തി നടരാജന്‍ അവസാന മണിക്കൂറില്‍ പ്രഖ്യാപിച്ചതോടെ പുതിയ കരാറിനായുള്ള തടസ്സങ്ങള്‍ പൂര്‍ണമായി മാറുകയായിരുന്നു.

കാലാവസ്ഥാവ്യതിയാനം നേരിടുന്നതിനുള്ള ദീര്‍ഘകാല പരിശ്രമങ്ങളെക്കുറിച്ച് ജയന്തി നടരാജന്‍ മുന്നോട്ടുവെച്ച നിര്‍ദേശങ്ങള്‍ ഉച്ചകോടി അംഗീകരിച്ചത് ഇന്ത്യയ്ക്ക് നേട്ടമായി. സാമൂഹിക-സാമ്പത്തിക നീതി ഉറപ്പുവരുത്തുന്നതിനുള്ള സുസ്ഥിരവികസന പദ്ധതികള്‍ക്ക് കാര്‍ബണ്‍ ബഹിര്‍ഗമനം വെട്ടിക്കുറയ്ക്കാനുള്ള തീരുമാനം തിരിച്ചടിയാവരുതെന്ന ഇന്ത്യയുടെ നിലപാടാണ് മറ്റ് രാജ്യങ്ങള്‍ ശരിവെച്ചത്. അഞ്ച് വര്‍ഷത്തേക്കുകൂടി ക്യോട്ടോ ഉടമ്പടിയുടെ വ്യവസ്ഥകള്‍ പാലിക്കാന്‍ സമ്പന്ന രാജ്യങ്ങള്‍ സന്നദ്ധത അറിയിച്ചതോടെയാണ് ഇന്ത്യയും ചൈനയും ഒത്തുതീര്‍പ്പിന് വഴങ്ങിയത്. ക്യോട്ടോ ഉടമ്പടിയിലെ നിര്‍ദേശങ്ങള്‍ 2017 വരെ തുടരാനാണ് സമ്പന്ന രാജ്യങ്ങളുടെ തീരുമാനം. പുതിയ കരാറിനെ അമേരിക്കയും സ്വാഗതം ചെയ്തിട്ടുണ്ട്.

ആഗോളതാപനത്തിന്റെ കെടുതികള്‍ രൂക്ഷമായി അനുഭവിക്കേണ്ടിവരുന്ന ദരിദ്രരാജ്യങ്ങള്‍ക്കായുള്ള ഹരിത ഫണ്ട് സംബന്ധിച്ചും ഉച്ചകോടിയില്‍ ധാരണയായി. ദരിദ്രരാജ്യങ്ങള്‍ക്ക് വര്‍ഷംതോറും 10,000 കോടി ഡോളറിന്റെ സാമ്പത്തികസഹായം നല്‍കാനാണ് ഫണ്ട് വഴി ലക്ഷ്യമിടുന്നത്. എന്നാല്‍ ഫണ്ടിന്റെ ഉറവിടം എന്താണെന്നത് സംബന്ധിച്ച് വ്യക്തമായ തീരുമാനം ഉണ്ടായിട്ടില്ല.